首页>青宫新闻>青宫文化 青宫文化

港澳青年來穗服務指南丨《我在廣州遇見你——港澳青年來穗服務指南》美食篇·下

来源: 日期:2020/10/21 08:31:39


人世間,最慘嘅事莫過於:

我同“你”喺同一座城市,我卻食唔到“你”

一直以黎

大家對廣州嘅美食熱情就好似系38度高溫咁火熱

為咗食,可以不惜一切代價去尋覓


究竟系咩嘢美食令到大家咁如癡如醉呢?

請滑動你嘅屏幕,等我話你知!


美食篇·下


1.番禺:【探索老廣都未必知道嘅市井味】

周末得閑不妨遠離市區去番禺,可以喺D唔起眼嘅街巷穩到超級地道嘅市井味。喺番禺嘅居民樓下可以食到超便嘅“一盅兩件”,鳳爪、牛丸、燒賣、排骨、腸粉都只不過4-6元一件,超級抵。番禺市橋系當地網紅美食店最集中嘅區域。有間大哥茶餐廳聽聞喺番禺已經開咗16年,有超好味嘅雙面飯焦煲仔飯,好食又有趣嘅漏奶華,拳頭咁大嘅手打墨魚丸……

漏奶華  

  

 “一盅兩件”


雙面飯焦煲仔飯                

番禺美食

猪杂粥


2.南沙:【等味蕾時令喺海鮮中暢遊啦!】

如果有機會去南沙返工或遊玩,一定唔好錯過當地嘅時令海鮮!因為靠近珠江入海口,南沙嘅海鮮都系生活喺淡水、鹹水同鹹淡水三種水域,唔同嘅水質滋養出嘅水產,鮮味尤其分明。4月系一年中品嘗淡水河鮮嘅最佳季節,蟄伏喺珠江鹹淡水交界嘅河魚吐故納新,體內嘅邋遢物代謝殆盡,漁嘅肉質尤為鮮美。呢D魚鮮可能細細條,但味道絕對鮮美。呢D時令海產,喺十九湧漁人碼頭、十四湧海鮮市場同埋海鮮食肆都可以食得到。

海鮮拼盤

                  

鮮蝦

南沙海鮮


3.從化:【除咗溫泉,仲有時令荔枝菌同荔枝木燒雞】

廣州地鐵14號線可以直達從化。從化溫泉大名鼎鼎,唔再細講。從化令人最期待嘅美食就系一期一會嘅荔枝菌啦!喺香港,好難食到超級新鮮嘅荔枝菌,但系盛產荔枝嘅從化,食荔枝菌就易好多啦。唔單止新鮮,而且做法多樣。從化有好多風景優美嘅山林,所以當地仲有好多好玩嘅農家樂。荔枝木燒雞、荔枝木燒排骨、竹筒蒸飯、豬油渣炒菜心,都系當地好出名嘅風味美食。

从化美食 

                   

荔枝菌

荔枝木燒雞

7.增城 【喺果香木香同菜香中認識地道美食】

增城嘅遲菜心特別軟淋香甜,喺香港好少有機會食到。增城嘅遲菜心一般喺立冬時節種落,深冬時節上市,比一般菜心嘅上市時間要遲,所以先叫佢遲菜心。遲菜心用豬油渣炒,口感脆甜無渣最好味。同從化一樣,增城同樣系產荔枝嘅好地方,仲系產沉香木嘅大型基地。應運而生嘅美食有沉香雞、沉香鴨、沉香排骨……

遲菜心        

           

沉香雞             


關於廣州嘅美食就介紹到尼度啦!

如果你仲有其它嘅廣州美食推薦

歡迎喺留言板留言!


下期預告

為你介紹廣州嘅購物天堂

下期見!


更多問題,請咨詢

廣州”青年之家“總部、粵港澳大灣區青年家園、廣州市粵港澳青少年交流活動基地總部

電話:020-83335760

地址:廣州市青年文化宮南門(廣州市越秀區北京路312號)



粵港澳大灣區青年家園介紹

粵港澳大灣區青年家園(廣州“青年之家”總部、廣州市粵港澳青少年交流活動基地總部)位於廣州市越秀區北京路312號,由共青團廣州市委員會、廣州市青年聯合會委托廣州市青年文化宮負責運營,是團中央命名的全國首批示範性“青年之家”綜合服務平臺、團省委掛牌認定的第二批粵港澳大灣區青年家園。