港澳青年來穗指南

更多關於廣州嘅訊息，粵港澳大灣區青年家園、廣州市粵港澳青少年交流活動基地總部話你知！

上期小編介紹咗東山百貨大樓商業區

大家仲記唔記得啊？

港澳青年來穗服務指南丨《我在廣州遇見你——港澳青年來穗服務指南》購物篇·上

系咪行到腳仔都軟埋呢？

今期我哋繼續瞭解廣州嘅其他商業區

快啲準備好你哋嘅錢包啦！

購物篇·下

01東山商業區

交通：地鐵 1 號線東山口站或者烈士陵園站

農林下路商業街系廣州著名嘅老商業街，東山百貨大樓同王府井百貨都喺度。從貨品上嚟講，農林下路系絕對新潮嘅街，集中咗好多嘅服裝、鞋、內衣、美容美髮、婚紗等專賣店。農林下路嘅一大特色就系鞋店多，想行最少嘅街買到最啱脚嘅鞋，嚟尼度就啱啦。

東山百貨大樓

王府井百貨

圖片來源：廣州市文化廣電旅遊局官網

02烈士陵園商業區

交通：地鐵 1 號線烈士陵園站

烈士陵園商業區系廣州潮人成日出沒嘅地方。流行前線同中華廣場通過地下通道連接。中華廣場主要系品牌店嘅集中地，各種名牌服裝鞋类首飾都有進駐，裏面仲有日用品、化妝品連鎖店，啱嗮大家shopping。流行前線集中咗好多品牌店，商品款式時尚、新潮，價錢都唔算貴而且仲可以講價添。唔單止咁，尼度仲有地王廣場、東川名店城等。

中華廣場

地王廣場

圖片來源：廣州市文化廣電旅遊局官網

03特色市場創新購物體驗

如果你想試下廣州嘅“靚湯”，嚟越秀區一德路西直接買湯料同食材嚟煲！尼度聚集咗廣州最多嘅海味批發，種類豐富、價錢實惠。

越秀區一德路

圖片來源：廣州市文化廣電旅遊局官網

04新潮時尚購物

廣州仲有一批最新湧現嘅shopping好去處，話幾個畀你知啦：

琶洲保利廣場

除咗零售同餐飲，尼度仲有區域內面積最大嘅影院，鐘意高端影院睇電影嘅friends可以嚟尼度喔！

琶洲保利廣場

图片来源：“保利商业”公众号ID：polycre

基盛萬科中央公園

位於番禺廣場地鐵站附近，系公園式嘅社區商業，周邊有唔少成熟嘅商業mall，如果鐘意尼啲流水綠地嘅半開放式街區風格，一定要嚟行街。

基盛萬科中央公園

圖片來源：廣州萬科ID：vankegz

百信廣場（西區）

就喺白雲山嘅腳下，唔單單系購物狂同吃貨嘅天堂，仲有好多超新潮嘅網紅影相地！

百信廣場（西區）

圖片來源：廣州市文化廣電旅遊局官網

05專業批發市場

廣州清平中藥材市場

開辦最早嘅專業市場之一，全國第一個准許經營範圍達5大類別嘅醫藥展貿平臺：中藥材、中藥飲片、中西成藥、醫療器械、保健品。

廣州清平中藥材市場

圖片來源：廣州市文化廣電旅遊局官網

廣州紅棉國際時裝城

尼度系一個以中、高檔現代時裝批發為主，地處廣州市服裝批發市場嘅“金三角地帶”中心，全國各地嘅服裝商販都會彙聚喺尼度批發服裝。

廣州紅棉國際時裝城

圖片來源：廣州紅棉國際時裝城官網

黃沙水產交易市場

國內最大嘅中高檔活鮮批發交易地，亦系廣府飲食文化中嘅關鍵一環：將國際高檔海產引入中國、造就海鮮“即撈即食”嘅風潮。

黃沙水產交易市場

圖片來源：廣州市文化廣電旅遊局官網

南方茶葉市場

位於芳村大道中洞企石路嘅南方茶葉市場就系一個揀茶嘅好去處，尼度有嚟自全國各產地嘅茶葉六大系列1000多個品種。同茶相關嘅茶具同茶工藝品都可以喺尼度穩到，因此尼度成為好多人淘寶、賞茶、行街同消磨時光嘅好去處。

南方茶葉市場

圖片來源：“廣州日報”公眾號ID：guangzhoudaily

下期預告

為你介紹廣州嘅醫療情況

令你喺廣州擁有健康人生

下期見！

更多問題，請諮詢

粵港澳大灣區青年家園、

廣州市粵港澳青少年交流活動基地總部

電話：020-83335760

地址：廣州市青年文化宮首层

（廣州市越秀區北京路312號）