港澳青年來穗服務指南 ‖《我在廣州遇見你——港澳青年來穗服務指南》玩轉羊城篇·下
来源: 日期:2021/02/07 14:25:29
上一期小編帶大家去睇完羊城八景
大家系唔系仲意猶未盡啊?
呢一期就跟住小編一齊去睇下廣州有邊D
網紅打卡景點啦
快跟住過來
網紅打卡點及網紅指數
永慶坊:老西關
網紅指數:★★★★★
地址:荔灣區恩寧路99號旁永慶坊
永慶坊位於荔灣區,呢度有傳統老西關的騎樓建築、李小龍故居、西洋古董店,又有以文旅創意為主嘅和風概念館、手賬文具店。
廣州石室聖心大教堂:小歐洲
網紅指數:★★★★★
地址:越秀區一德路56號
石室聖心大教堂系全球四座全石結構哥特式教堂建築之一,特別啱影相擺poss。教堂附近仲有網紅咖啡——MOTTLE都系熱門嘅打卡店。
花城廣場:小資mix時尚
網紅指數:★★★★
地址:天河區花城大道89號
花城廣場系廣州CBD嘅核心,沿廣州中軸綫建成,兩旁系各具特色嘅高樓大廈,同江對岸嘅廣州塔相互映襯。
黃埔古港:至抵地道小吃
網紅指數:★★★
地址:海珠区石基路528號附近
奶婆薑撞奶、貓記艇仔粥、阿娥豬腳姜……黃埔古港系為食貓尋覓美食嘅好地方!呢度嘅小食味道正仲要抵,人均50元以內就可以食到飽。
白雲山公園:白雲飛索至刺激
網紅指數:★★★★★
圖片來源:廣州市文化廣電旅遊局公眾號
地址:白雲區廣園中路801號
白雲山公園嘅白雲飛索項目,目前系全國最長嘅滑索,最高時速超過120公里,高度急降200多米,讓你感受“空中飛人”嘅心跳加速體驗。
蘿崗香雪公園:粵式小清新
網紅指數:★★★★★
地址:黃埔區羅崗鎮羅峰路羅峰寺對面
雖然廣州冇落雪,但系真系有香雪!每到梅花盛開嘅季節,香雪公園就會落起花瓣雪,有人會着住漢服去影古裝相,咁嘅粵式小清新絶對系文藝青年不可錯過嘅地方。
沙灣古鎮:廣式古風古色古香
網紅指數:★★★★★
地址:番禺區沙灣鎮北村
沙灣古鎮始建於南宋,呢度嘅祠堂、廟宇仍然保留住當時嘅風貌,極具嶺南特色,最適合影古風韻味嘅相。
梯面紅山村:油菜梯田花海
網紅指數:★★★★
地址:花都區梯面鎮縣道X404
紅山村有成300多几幾畝油菜梯田花海,仲要免費開放,可以約埋着住瑤族民族服裝嘅小姐姐來一組田園風格嘅擺拍。
百萬葵園:賞花打卡聖地
網紅指數:★★★★
地址:南沙區新港大道
鬱金香、向日葵、玫瑰、薰衣草、櫻花……百萬葵園花卉種類豐富,仲有可愛嘅松鼠園,系情侶拍拖、閨蜜拍照嘅聖地。
慕吉雲溪山居:世外桃源
網紅指數:★★★★
圖片來源:廣州市文化廣電旅遊局公眾號
地址:增城區派潭鎮樟洞坑村水口社
慕吉雲溪山居系一家網紅民宿,顔值高且view超讚,系隱藏在山間嘅世外桃源,走嘅系京都和風加中國水墨竹園路綫,每晚人均200多元起,性價比高。
蓮麻小鎮:田園風格
網紅指數:★★★★
地址:從化區G105(京珠綫)
蓮麻小鎮是一個民俗雅緻嘅村落,自古有酒文化嘅傳統,喺呢度嘅白酒莊仲可以睇到發酵、制曲嘅現場,體驗釀酒嘅樂趣。
下期预告
下一期小編將帶你
從文創角度睇廣州
睇睇嶺南風情同現代文化嘅衝撞之下
廣州會呈現一種點樣嘅架勢
我哋下期見!
更多問題,請諮詢
粵港澳大灣區青年家園、
廣州市粵港澳青少年交流活動基地總部
電話:020-83335760
地址:廣州市青年文化宮首層
(廣州市越秀區北京路312號)
粵港澳大灣區青年家園介紹
粵港澳大灣區青年家園(廣州市粵港澳青少年交流活動基地總部)位於廣州市越秀區北京路312號,由共青團廣州市委員會、廣州市青年聯合會、廣州市青年文化宮負責運營全力打造,系團省委掛牌認定嘅粵港澳大灣區青年家園。